Павлодарда қала көшелері мемлекеттік тумен безендірілді

Облыс орталығында бүгін алтыншы күн қатарынан «Менің туым, менің отаным» іс-шарасы өтіп жатыр. Ұлттық рәміздеріміздің бірі: көк туды қала тұрғындары терезелеріне, балкон мен үй шатырларына ілген. Кең ауқымды акцияға бүгін волонтёрлер де үн қосты. Олар патриоттық флешмоб ұйымдастырып, үлкен туды сауда ойын-сауық орталығының қасбетіне ілді. Осылайша қала халқын Тәуелсіздік мерекесімен құттықтап,  туған елге, Отанға деген сүйіспеншілік сезімдерін білдірді.

Светлана Гладышева, қала әкімінің орынбасары:

– Келесі жылды  Президент Тәуелсіздіктің 30 жылдығы және «Қайырымды істер» марафоны деп атады. Біздің қаламыз жылдан-жылға көркейіп, гүлденіп  келеді. Жаңа шағын аудандар бой көтеріп, мектеп, балабақшалар салынып жатыр. Қала тұрғындарының саны артып келеді. Келесі жылға дайындықты біз бүгінгі күннен  бастаймыз. Мерейлі жыл мерекелік іс-шараларға  бай болады деп ойлаймын.