429,33 519.25 5.73
+7 (7172) 757 485 24kz@khabar.kz
ҚАЗ

Құтқарушылар отшашуды пайдаланарда сақтау қажет негізгі ережелерді атады

  • 255
  • UPD: 13:56, 24.12.2020
Құтқарушылар отшашуды пайдаланарда сақтау қажет негізгі ережелерді атады astana.gov.kz

Нұр-Сұлтанда 15 желтоқсан мен 10 қаңтар аралығында полиция мен ТЖД өкілдері жыл сайынғы «Пиротехника» жедел-профилактикалық іс-шарасын өткізуде.

Бұл шара сертификатталмаған пиротехникалық бұйымдарды жөнсіз сату фактілерін анықтауға және оны тоқтатуға бағытталған.

«Пиротехникалық бұйымдарды сатып алу кезінде қауіпсіздік мақсатында оларды тек мамандандырылған дүкендерде және осы салада тиісті лицензиясы бар сауда павильондарында сатып алу қажет.

Пиротехникалық бұйымдарды сатып алу кезінде сатушылардан өнімге сәйкес сертификатын талап ету қажет», – деді Нұр- Сұлтан қаласы ТЖД Мемлекеттік өрт бақылау басқармасының бастығы Еркін Отарғалымұлы.

Әрбір пиротехникалық бұйым үшін оларды қолдану жөніндегі мемлекеттік (қазақ) және орыс тілдеріндегі нұсқаулық міндетті түрде болуы тиіс, нұсқаулықпен танысқан кезде оның сақталу мерзіміне назар аударыңыз. Егер тауар мерзімі өтіп кеткен болса, онда оны ешбір жағдайда пайдалануға болмайды – қауіпті.

Пиротехникалық бұйымдарды қолдану кезінде:

Дұрыс орын таңдау қажет, бұл үлкен ашық алаң немесе ағаштардан, құрылыстардан және электр желілерден бос алаң болуы керек. Таңдалған орынның қасында 50 метр радиусты мұқият қарап шығу керек, ол жерде өртке қауіпті объектілер, тұрақтар және басқа құрылыстар, автомашиналар болмауы тиіс.

2.Пиротехникалық бұйымдарды қолдану нұсқаулығына сәйкес, бұйымды берік орнату қажет:

Көрермендер кем дегенде 35-50 метр қашықтықта тұруы керек.

Жанатын элемент болғандықтан, отшашудағы ұшқынның ұшуына байланысты қауіпті аймақ түсінігі бар.

Қауіпті аймақта жарақат алу қаупі өте жоғары.

Нұсқаулықта көрсетілген қауіпсіз қашықтықта тұрып та, отшашудан әдемі әсер алуға болады.

Қауіп дәрежесі бойынша барлық пиротехникалық бұйымдар бес санатқа бөлінген. Сыныпқа байланысты қауіпті аймақтың радиусы 0,5 м-ден 30 метрге дейін.

Пиротехникалық бұйымдарды пайдалану кезінде мынадай әрекеттерге тыйым салынады:

- пиротехникалық бұйымдарды мақсатсыз пайдалану;

- пиротехникалық бұйымдарды ғимараттардың, үй-жайлардың ішінде (егер бұл нұсқаулықта көзделмесе), адамдар көп жиналатын жерде, ашық аумақтарда қолдануға;

- пиротехникалық бұйымдарды кез келген құрылыстардан 50 м жақын қашықтықта пайдалану, пиротехника бөлшектері терезеге түсіп, балконға немесе шатырға ұшып кетуі мүмкін;

- қатты жел кезінде отшашулар іске қосылады, өйткені қауіпті аймақтың мөлшері 3-4 есе артады;

- пиротехникалық бұйымдарды ағаштардың, электр беру желілерінің астында және тез тұтанатын заттардың жанында іске қосу;

- тұтату кезінде пиротехникалық бұйымға еңкею;

- сертификатталмаған, зақымдалған, сондай-ақ жарамдылық мерзімі өткен бұйымдарды пайдалану;

- пиротехникалық бұйымдарды жылыту құралдары мен ашық от көздерінің жанында сақтау;

- пиротехникалық бұйымдарды бөлшектеуге, оларды отқа жағуға;

- пиротехникалық бұйымдарды адамдар мен жануарларға бағыттау;

- ересектердің бақылауынсыз балалардың қолдануы;

- мас күйде пиротехникалық бұйымдарды пайдалану және олардың жанында темекі шегу.

Барлық атылмай қалған бұйымдар мен элементтер жеткізуші зауыт әзірлеген нақты бұйымды пайдалану жөніндегі нұсқаулыққа сәйкес жойылуы керек.

Хабар 24 телеарнасы