420,18 511.30 5.71
+7 (7172) 757 485 24kz@khabar.kz
ҚАЗ

Елордада сауда орталықтары мен кинотеатрлар қай күндері жұмыс істемейді?

  • 261
  • UPD: 12:04, 26.12.2020
Елордада сауда орталықтары мен кинотеатрлар қай күндері жұмыс істемейді? фото: newsomsk.ru

Елордада кәсіпкерлерге алдағы демалыс және мереке күндері жұмыс істеу алгоритмі түсіндірілді, деп хабарлайды ҚазАқпарат қаланың Кәсіпкерлер палатасының баспасөз қызметіне сілтеме жасап.

Елорданың Кәсіпкерлер палатасы ұйымдастырған онлайн кездесу барысында санитарлық-эпидемиологиялық бақылау департаменті басшысының орынбасары Айгүл Шағалтаева алдағы жексенбі 27 желтоқсан мен 2021 жылғы 3 қаңтар мереке күндеріне жатпайтынын, сәйкесінше осы күндері сауда ойын-сауық орталықтарының, сауда үйлерінің және сауда орталықтарының жұмысына тыйым салынғанын түсіндірді.

Елорданың бас санитар дәрігерінің 2020 жылғы 24 желтоқсандағы қаулысына сәйкес, аталған нысандардың қызметіне жұмыс күндері 10:00-ден 23:00-ге дейін, сенбі және мереке күндері 10:00-ден 20:00-ге дейін рұқсат етілген.

25 желтоқсаннан бастап қызметін қайта бастайтын, сыйымдылығы жалпы орындар санының 30%-ынан аспауы тиіс кинотеатрлардың жұмысына қатысты келер болсақ, 24:00-ге дейін рұқсат етілген. Бірақ СОСО-да орналасқан кинотеатрларға жексенбі күндері жұмыс істеуге тыйым салынған.

Нұр-Сұлтан қаласы Кәсіпкерлер палатасы директорының орынбасары Қуанышбек Мұқаш елорда «сары» аймақта орналасқандығын ескере отырып, кәсіпкерлерді қауіпсіздік шараларын қатаң сақтауға шақырды.

Нұр-Сұлтан қаласы Кәсіпкерлер палатасы апта сайын санитарлық-эпидемиологиялық бақылау департаментінің өкілдерімен коронавирус инфекциясының таралуын болдырмау жөніндегі іс-шаралардың сақталуы туралы қаланың кәсіпкерлерімен апта сайын кездесулер ұйымдастырады.

Хабар 24 телеарнасы