420,67 511.30 5.60
+7 (7172) 757 485 24kz@khabar.kz
ҚАЗ

Берік Уәли: Мемлекет басшысы отандық телеарналарға ризашылығын білдіріп жатыр

  • 240
  • UPD: 13:41, 01.01.2021
Берік Уәли: Мемлекет басшысы отандық телеарналарға ризашылығын білдіріп жатыр фото: tengrinews.kz

Мемлекет басшысы Қасым-Жомарт Кемелұлы отандық телеарналардағы бағдарламаларды көріп, көңілі толып, ризашылығын білдіріп жатыр.

Бұл туралы Президенттің баспасөз хатшысы Берік Уәли Facebook-тегі парақшасында хабарлады.

«Жыл табалдырықтан аттады. Барша отандастарымыз Жаңа жылды қазіргі жағдайға сәйкес қауіпсіздік шараларын сақтай отырып өз шаңырақтарында қарсы алды. Бұрынғыдай үй-үйге қонаққа барып, қаланы аралап, алаңға жиналып, мерекелік көңіл-күйдің жоғары нотасын ұстап жүретіндей емес.

Осындай кезде отандық телеарналар халыққа уақытты тиімді өткізудің жолын ұсынып, мерекелік бағдарламалар жасады. Барлық бағдарламалардың басынан соңына дейін ән мен әзіл, танымдық ақпарат қатар өріліп, жұртқа жаңажылдық көңіл-күй сыйлай алды. Отандық эстрада жұлдыздары осынау қиын кезде экранның арғы бетінен халықтың көңілін көтеріп, ақжарма тілектерін әуезді әуенмен жеткізді. Нағыз мерекелік атмосфераны қалыптастыра алды.

Бір бағдарламаның артында тұтас ұжымның үлкен еңбегі жатқанын білеміз. Еңбек ақталды, бағдарламалар көрермен көңілінен шықты деп сенеміз. Осы орайда, Мемлекет басшысы Қасым-Жомарт Кемелұлы отандық телеарналардағы бағдарламаларды көріп, көңілі толып, ризашылығын білдіріп жатқанын айтқым келеді.

Төрімізге шыққан жыл тағы да құтты болсын, ағайын!», деді ол. 

Хабар 24 телеарнасы