418,41 511.30 5.70
+7 (7172) 757 485 24kz@khabar.kz
ҚАЗ

Елордалықтар медициналық сақтандыруға 27,7 млрд теңгеден аса жарна аударған

  • 158
  • UPD: 16:22, 08.01.2021
Елордалықтар медициналық сақтандыруға 27,7 млрд теңгеден аса жарна аударған

Елордалықтар 2020 жылы қаңтар-желтоқсан аралығында медициналық сақтандыру үшін 27,7 млрд теңгеден аса жарна аударды, деп хабарлады «Әлеуметтік медициналық сақтандыру қоры» КЕАҚ Нұр-Сұлтан қаласы бойынша филиалының баспасөз қызметі.

Нұр-Сұлтан қаласы бойынша 2017 жылдың 1 шілдесі мен 2020 жылдың 31 желтоқсаны аралығында медициналық сақтандыру үшін жинақталған жарнаның жалпы сомасы 58 млрд теңгеден асады.

«2020 жылы қаңтар-желтоқсан аралығында медициналық сақтандыру үшін елордалықтар 27,7 млрд теңгеден аса жарна аударған (оның ішінде желтоқсан айында – 3,3 млрд теңге). Медициналық сақтандыру қорына жарна аударуда Нұр-Сұлтан қаласы көш басында деуге болады. Әлеуметтік медициналық сақтандыру қорына түскен барлық міндетті әлеуметтік медициналық сақтандыру жарналары, яғни жинақталған қаржы Ұлттық банкпен арада жасалған сенімгерлік басқару туралы келісімшартқа сәйкес Ұлттық банкте сақталады да, Міндетті әлеуметтік медициналық сақтандыру пакеті шеңберіндегі қызметтер ақысын төлеуге жұмсалады», - дейді «Әлеуметтік медициналық сақтандыру қоры» КЕАҚ Нұр-Сұлтан қаласы бойынша филиалының директоры Нұрлыбек Қабдықапаров.

Медициналық сақтандыру қоры пациенттер құқығын қорғайды. Сондықтан азаматтарды мобильді қосымшаларда өз деректерін тексеруге және сәйкессіздіктер анықталған жағдайда қордың елордалық филиалына хабарлауға шақырамыз. Сондай-ақ 1406 телефонына немесе Qoldau 24/7 мобильді қосымшасы арқылы байланысуға болады.

Хабар 24 телеарнасы