420,67 511.30 5.60
+7 (7172) 757 485 24kz@khabar.kz
ҚАЗ

Елімізде 10 мыңдай сайлау бөлімшесі жұмысқа кірісті

  • 111
  • UPD: 07:35, 10.01.2021
Елімізде 10 мыңдай сайлау бөлімшесі жұмысқа кірісті фото: matritca.kz

Елде 10 мыңға жуық сайлау учаскесі есігін айқара ашып, жұмысын бастады, деп хабарлайды «Хабар 24».

Парламент сайлауына шет елде жүрген отандастарымыз да қатыса алады. Ол үшін еліміздің шетелдегі өкілдіктерінің жанынан сайлау бөлімшелері құрылды. Орталық сайлау комиссиясының мәліметіне қарағанда, 51 елде 66 сайлау учаскесі бар. Бүгін Қазақстан аумағынан тыс жерде жүргендер өзі жүрген елдегі Қазақстан елшілігінің сайтына кіріп, жеке мәліметтерін енгізу арқылы сайлаушылар қатарына қосыла алады. Коронавирусқа байланысты сайлау бөлімшелерінде санитарлық талаптар қатаң сақталуы керек. Бұған қатысты елдің Бас санитарлық дәрігерінің қаулысы шықты. Яғни, кіреберісте келушілердің дене қызуы тексеріледі. Арақашықтықты айқындап, бағыт-бағдар беретін белгілер орнатылуы тиіс. Маскамен жүру және қолды жуып отыру барлығына міндет. Сайлау бөлімшесіндегі орындардың арасы 1,5-2 метр болуы шарт. Бұған қоса, дене қызуы 37 градустан жоғары азаматтарға арнайы оқшауланған бөлме дайындалады.

Хабар 24 телеарнасы