430,69 515.14 5.65
+7 (7172) 757 485 24kz@khabar.kz
ҚАЗ

Есірткі таратумен айналысқан екі студент 6 және 11 жылға сотталды

  • 179
  • UPD: 16:00, 14.01.2021
Есірткі таратумен айналысқан екі студент 6 және 11 жылға сотталды

Ақтөбе облысының Қылмыстық істер жөніндегі мамандандырылған ауданаралық соты есірткінің заңсыз айналымына қатысы бар екі студентті 6 және 11 жылға бас бостандығынан айырды, деп хабарлады Polisia.kz.

Өткен жылы Ақтөбе қаласында есірткінің заңсыз айналымына қатысы бар 18 жастағы екі студент ұсталған болатын. Студенттер қала көшелерінде синтетикалық есірткі салынған 22 пакетті жасырып үлгерген.

Ақтөбе қаласындағы колледждердің бірінде оқитын екі студент мессенджердегі «кураторларының» нұсқауы бойынша қала көшелеріндегі жасырын жерлерге көк кристалл тәріздес ұнтақ салынған пакеттер салып қойған. Студенттер ұсталғаннан кейін полиция қызметкерлері колледж жатақханасының бөлмесінде тінту жүргізді, онда буып-түю материалдары, таразы және көк түсті химиялық заттар табылып, тәркіленді.

Хабар 24 телеарнасы