Қазақстанға 588 адам ПТР анықтамасыз ұшып келді

588 жолаушы Қазақстанға ПТР анықтамасыз ұшып келген. Өткен тәулікте елге Ұлыбритания, Германия, Мальдив Республикасы, Біріккен Араб Әмірліктерінен және тағы басқа елдерден 17 халықаралық әуе рейсі келді.

Жолаушылардың 2 мың 600-ден астамында коронавирус жұқтырмағанын растайтын анықтама болған. Ал тиісті құжат көрсетпеген қалған жолаушы ПТР сынама тапсырып, карантиндік стационарларда өз нәтижелерін күтіп жатыр.