427,15 523.00 5.95
+7 (7172) 757 485 24kz@khabar.kz
ҚАЗ

Сайрам ауданында апатты мектептер мәселесі толық шешілді

  • 220
  • UPD: 09:35, 27.01.2021
Сайрам ауданында апатты мектептер мәселесі толық шешілді

Түркістан облысының Сайрам ауданында апатты мектептердің мәселесі 100% шешімін тапты.

2020 жылы ауданда 1,7 млрд теңгеге 7 білім беру нысанының құрылысы жүргізілді. Оның ішінде 1200 орындық 2 жаңа мектеп, 300 орындық 3 мектептің қосымша ғимараты пайдалануға тапсырылды. Сондай-ақ Сайрам ауданындағы Қарабұлақ ауылында №92 жалпы орта мектебіне 600 орындық жаңа ғимарат пайдалануға берілді.

Сонымен қатар, Қарабұлақ ауылында 3 тілде оқытатын 1200 орындық «Низамхан Сулайманов» атындағы жекеменшік мектеп ашылды.

Өңірдегі тілшіміздің хабарлауынша, былтыр бюджеттен Қарабұлақ ауыл округіне барлығы 257,5 млн теңге қаржы бөлініп, мақсатты игерілген.

2021 жылға 244,1 млн теңге қаржы қаралып, тиісті жобалар мен жұмыстарды іске асыру көзделіп отыр. Яғни, Қарабұлақ ауылындағы 2 мектепке 17,1 млн теңгеге қосымша оқу корпустарының құрылысының жобалық-сметалық құжаттары әзірленеді. 62,5 млн теңгеге 2 көше орташа жөндеуден өтеді.

Хабар 24 телеарнасы