414,77 504.70 5.64
+7 (7172) 757 485 24kz@khabar.kz
ҚАЗ

Н.Нығматулин: Мәжіліс жергілікті өзін-өзі басқару туралы заң жобасын қарайды

  • 113
  • UPD: 12:45, 29.01.2021
Н.Нығматулин: Мәжіліс жергілікті өзін-өзі басқару туралы заң жобасын қарайды parlam.kz

Бүгін Мәжіліс спикері Нұрлан Нығматулиннің төрағалығымен Палата бюросы өтіп, онда алдағы жалпы отырыстың күн тәртібі нақтыланды.

Бюро отырысында депутаттар қарауына аудандық, қалалық және ауылдық билік деңгейлерінің дербестігі мен жауапкершілігін кеңейту мәселелері туралы заң жобасы бірінші оқылымда ұсынылды, деп хабарлайды Мәжілістің баспасөз қызметі.

Құжат жергілікті мемлекеттік пен өзін-өзі басқаруды дамытуға, оның ішінде жергілікті маңызы бар ағымдағы мәселелерді шешу жеделдігін арттыру үшін жергілікті билік органдарына қосымша функциялар мен кіріс өкілеттіліктерін беруге бағытталған.

Сонымен қатар депутаттарға ұсынылған күн тәртібінің жобасында бірқатар ратификациялық заң жобалары бар. Олар: суға батып кеткен кемелерді жою туралы 2007 жылғы Найроби халықаралық конвенциясын ратификациялау туралы және Қазақстан мен Болгария арасындағы сотталған адамдарды беру туралы шартты ратификациялау туралы.

Хабар 24 телеарнасы