417,02 504.70 5.60
+7 (7172) 757 485 24kz@khabar.kz
ҚАЗ

Мемлекет басшысы Әнес Сарайдың жақын туыстарына көңіл айту жеделхатын жолдады

  • 330
  • UPD: 11:54, 03.02.2021
Мемлекет басшысы Әнес Сарайдың жақын туыстарына көңіл айту жеделхатын жолдады

Мемлекет басшысы жазушы, драматург Әнес Сарайдың отбасы мен жақын туыстарына көңіл айту жеделхатын жолдады.

Бұл туралы Берік Уәли өзінің Facebook-тегі парақшасында жариялады.

«Көрнекті жазушы, ақын, драматург, Қазақстанның еңбек сіңірген қайраткері, Мемлекеттік сыйлықтың иегері Әнес Төлендіұлы Сарайдың дүниеден өтуіне байланысты көңіл айтамын. Қарымды қаламгер республикалық газеттер мен баспада және Қазақстан Жазушылар одағында еңбек сіңірді. Ұзақ жылғы шығармашылық жолында тарихи, әдеби-зерттеу туындыларын тарту етті. Марқұмның жаны жәннатта, иманы саламат болсын», - делінген көңіл айту жеделхатында.

Жазушы, драматург Әнес Сарай Ұлттық пантеонда жерленетін болды.

Хабар 24 телеарнасы