419,66 501.30 5.64
+7 (7172) 757 485 24kz@khabar.kz
ҚАЗ

Шымкентте тоғыз мектеп карантинге жабылды

  • 115
  • UPD: 18:31, 05.02.2021
Шымкентте тоғыз мектеп карантинге жабылды

Шымкентте коронавирус салдарынан бірден тоғыз мектепте карантин жарияланды.

Жұқпалы аурудың әрбір жағдайы бойынша қазір мамандар эпидемиологиялық зерттеу жүргізіп жатыр. Мәселен, қаладағы №18 мектепте вирусты әуелі мұғалім жұқтырғаны белгілі болды. Содан кейін індет осы білім ұясындағы тағы төрт оқушыдан анықталған.

Жыл басталғалы шаһардағы білім мекемелеріндегі оқушылар арасында COVID-19-дың  жалпы 40 жағдайы тіркелген. Бұл мектепте оқушылардың көп болуымен байланыстырылады.

Естеріңізге сала кетейік, үшінші тоқсаннан бастап мектеп оқушылары дәстүрлі оқу форматына оралған болатын. Ал карантинге жабылған мектептерді жоспардан тыс тексеру барысында көпшілігінде бетперде режимі сақталмағаны анықталған. «Сынып бөлмелеріне кварц уақтылы қойылмаған. Тіпті құрғақ және дымқыл тазалау жұмыстарының өзі дұрыс жүргізілмеген», – дейді санитар дәрігерлер.

Жалпы, білім беру нысандары қазір күшейтілген санитариялық-эпидемиологиялық бақылауда.

Роза Аханова, қалалық Санитариялық-эпидемиологиялық бақылау департаментінің бөлім басшысы:

– Біз, 66, 23, 48 мектептерімен қатар Назарбаев интеллектуалды мектебіне де шара қолдандық. Назарбаев мектебі жуырда карантиннен шықты. Өзге де мектептердің карантин талаптарын қаншалықты сақтағаны туралы зерделеп жатырмыз. Кемшіліктер, әрине, бар. Әрбір мектепті тексеру барысында қорытындысына сай әкімшілік шара көрілетін болады.

Хабар 24 телеарнасы