Қарағанды облысындағы түзету мекемесінде отырған жандар жақындарымен қысқа мерзімге жүздесе алады, деп хабарлайды «Хабар 24».
Өңірдегі санитарлық дәрігердің қаулысына осындай бірқатар өзгеріс енгізілді. Енді қоғамдық тамақтану орындары түнгі сағат 00:00-ге дейін жұмыс істейді. Жұмыс күндері сауда-ойын-сауық орталығының жұмыс уақытына енгізілген шектеулер алынды. Шектеу тек демалыс күндері сақталады. Осы жолы автовокзалдар мен автобекеттерге адамның дене қызуын қашықтан өлшеуге арналған құралдар пайдаланып, жұмыс істеуге рұқсат берілді. Сондай-ақ шаштараздар, ломбардтар мен ақша айырбастау пункттерінде медициналық қолғап кию талабы алынды. Қаулы 8 ақпаннан бастап күшіне енеді.