417,02 504.70 5.60
+7 (7172) 757 485 24kz@khabar.kz
ҚАЗ

Павлодарда тегін консультация кезінде бірнеше адамнан қатерлі ісік анықталды

  • 110
  • UPD: 20:55, 06.02.2021
Павлодарда тегін консультация кезінде бірнеше адамнан қатерлі ісік анықталды фото: miloserdie.ru

Сенбі күні Павлодарда жүргізілген тегін консультация кезінде бірнеше адамнан қатерлі ісік анықталды, деп хабарлайды Pavlodarnews.kz.

Қабылдауды мекеменің білгір мамандары жүргізді. Атап айтқанда, облыстық онкологиялық диспансерде онкологиялық ауруларды ерте анықтауға және алдын алуға арналған ашық есік күні өтті. Дәрігерлер қаланың барлық тұрғынын шақырды. Ол үшін алдын ала тіркелудің қажеті болмады және тегін кеңес берілді. «Диспансердің үздік онкологтары мен онкогинекологтары қабылдау жүргізді. Ашық есік күні 114 адамға кеңес берілді, қатерлі ісіктің екі жағдайы, бес обыр алды жағдайы және тағы 52 ауру анықталды», - деп хабарлады орталықта.

Дәрігерлер өңір тұрғындарын жыл сайын емханаларда тексеруден өтуге шақырды. Ақ халаттылар онкологияның ерте сатысында емделетінін еске салады, сондықтан скрининг туралы ұмытпаған дұрыс. 2021 жылдың 12 қаңтарынан бастап облыстық онкодиспансерде алғашқы пациенттер «Varian Medical Systems» американдық компаниясының «VitalBeam» КТ-симуляторы бар желілік үдеткіште конформды сәулелік терапияны ала бастады. Бұған дейін өңірлік әлеуметтік медициналық сақтандыру қорында әртүрлі жаста скринингтен неге өту керектігі айтылған болатын.

Хабар 24 телеарнасы