427,15 517.06 5.74
+7 (7172) 757 485 24kz@khabar.kz
ҚАЗ

Шымкент билігі жер учаскелерін сатып алуға бюджеттен 12 млрд теңгеге жуық қаржы жұмсамақ

  • 271
Шымкент билігі жер учаскелерін сатып алуға бюджеттен 12 млрд теңгеге жуық қаржы жұмсамақ

Шымкент билігі биыл мемлекет мұқтаждығы үшін қажетті жер учаскелерін сатып алуға бюджеттен 12 миллиард теңгеге жуық қаржы жұмсамақ, деп хабарлайды «Хабар 24».

Былтыр әкімдік бұл бағытқа қазынадан 3,7 млрд теңге бөлген. Сөйтіп, 2020 жылы 453 жер телімін сатып алған. Ал осы жылы 48 нысан орналасқан жерді мемлекет меншігіне қайтару жоспарланған. Ол жерге жоспар бойынша жол салынады. Атап айтқанда қаладағы Қонаев көшесінің 2-3 кезеңдері жүзеге асады. Одан бөлек сатып алынған жер телімдеріне мектептер, магистральдық және ішкі инженерлік жүйелер жүргізіледі деп, жоспарланған. Әкімдік қызметкерлерінің айтуынша, бүгінде билік ұсынған бағамен келіспей сотқа шағым түсіргендер жоқ.

Гауһар Әшенова, қалалық сәулет, қала құрылысы және жер қатынастары басқармасы басшысы орынбасарының м.а:

- Жер учаскелерінің үстіндегі құрылыстармен бағалау сомасы былтырғыға қарағанда кішкене жоғары болады. Себебі, Қонаев 2-3 этап нағыз үйлердің шоғырланған жерлері. Жерлеріне және үстіндегі құрылысына нарықтық құнмен өтеп беріледі өтемақысы.

Хабар 24 телеарнасы