Елімізде 13 мыңнан астам медицина қызметкері вакцина салдырды

Қазақстанда 13 мыңнан астам медицина қызметкері «Спутник V» вакцинасын салдырды.

Бұл туралы денсаулық сақтау министрі Алексей Цой ОКҚ брифингінде айтты.

«10 ақпандағы жағдай бойынша 13 301 медицина қызметкері екпе алды. Вакцинация барлық өңірде жүруде, 778 егу пункті ашылды, олардың 166-сы қазір іске қосылды, барлығы тоңазытқышпен қамтамасыз етілген. 9 мыңнан астам медицина қызметкері оқытылды», - деді министр.