426,83 518.00 5.87
+7 (7172) 757 485 24kz@khabar.kz
ҚАЗ

Жыл басынан бері 223 млрд теңгеден астам сомаға зейнетақы төленді

  • 197
  • UPD: 09:34, 12.02.2021
Жыл басынан бері 223 млрд теңгеден астам сомаға зейнетақы төленді

2021 жылғы қаңтарда республикалық бюджеттен зейнетақы төлемдеріне 223,3 млрд теңге, оның ішінде базалық зейнетақы төлеуге 68,4 млрд теңге, ынтымақты зейнетақыны төлеуге 154,9 млрд теңге бағытталды.

1 ақпандағы жағдай бойынша зейнеткерлер саны 2 млн 243 мың адамды құрайды, деп хабарлады ҚР ЕХӘҚМ баспасөз қызметі.

1 ақпандағы жағдай бойынша зейнетақы төлемдерінің орташа мөлшері (базалық зейнетақы төлемін ескере отырып) – 100 075 теңге.

Еске салайық, 2018 жылғы 1 шілдеден бастап мемлекеттік базалық зейнетақы төлемі әр алушыға зейнетақы жүйесіне қатысу өтілін ескере отырып жеке тағайындалады.

Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары төленген кезеңдер зейнетақы жүйесіне қатысу өтілге қосылады.

Сонымен, егер зейнетақы жүйесіне қатысу өтілі 10 жыл немесе одан аз болса, сондай-ақ егер мүлде жоқ болса, базалық зейнетақы ең төменгі күнкөріс деңгейінің 54%-ін құрайды, содан кейін 10 жылдан асқан әр жыл үшін оның мөлшері 2%-ке артады. Мысалы, егер қатысу өтілі 20 жыл болса, базалық зейнетақы ең төмен күнкөріс деңгейінің 74%-ін, 30 жыл – ең төмен күнкөріс деңгейінің 94%-ін құрайды. Жұмыс өтілі 33 және одан да көп жыл болса, ең төмен күнкөріс деңгейінің 100%-і мөлшерінде белгіленеді.

Егер бір ай ішінде Бірыңғай жинақтаушы зейнетақы қорына бірнеше рет МЗЖ жасалса, жинақтаушы жүйеге қатысу мерзімі бір айды құрайды.

Осылайша, міндетті зейнетақы жарналары неғұрлым тұрақты және толық салынатын болса, зейнетақы жасына жеткенде базалық зейнетақы төлемдерінің мөлшері соғұрлым көп болады.

Өз кезегінде жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңде алынған орташа айлық табысқа байланысты болып келеді.

Хабар 24 телеарнасы