419,66 501.30 5.64
+7 (7172) 757 485 24kz@khabar.kz
ҚАЗ

ШҚО-да ауыл тұрғынынан қару-жарақ арсеналы тәркіленді

  • 134
  • UPD: 10:49, 16.02.2021
ШҚО-да ауыл тұрғынынан қару-жарақ арсеналы тәркіленді

Полиция қызметкерлері Шығыс Қазақстан облысында ауыл тұрғынынан оқ-дәрілер, бірнеше мылтық, патрондар мен оны алып жүруге арналған жабдықты тәркіледі, деп хабарлады Tengrinews.kz «Устинка LIVE» басылымына сілтеме жасап.

Көкпекті ауданының криминалдық полиция бөлімі қызметкерлері 63 жастағы ауыл тұрғыны үйін тінту кезінде түрлі калибрлі төрт бір ұңғылы және екі ұңғылы бір мылтықты, 16 патронды, 18 гильзаға арналған қорамсақ және қаптағы пышақты тауып, тәркіледі.

«Тергеу-баллистикалық сараптамасы тәркіленген заттардың спорттық және аңшылық қаруларға арналған оқ-дәрілер екенін және атуға жарамды екенін көрсетті. Пышақ аңшылыққа арналған», - деді ШҚО полиция департаментінің бастығы Сағат Мәдиев.

ҚР ҚК-нің 287-бабы 3-бөлігі («Қару мен оқ-дәрілерді заңсыз сатып алу, беру, өткізу, сақтау немесе алып жүру») бойынша сотқа дейінгі тергеу басталды. Ер адамға бес мың АЕК (14,5 миллион теңге) айыппұл, түзеу жұмыстары немесе бес жылға дейінгі мерзімге бас бостандығын шектеу немесе айыру жазасы қарастырылған. Күдікті белгілену үшін бөлімшеге келіп тұруға міндеттелді.

Хабар 24 телеарнасы