417,90 504.70 5.63
+7 (7172) 757 485 24kz@khabar.kz
ҚАЗ

Qazaq Air әуе компаниясына қатысты тексеріс басталды

  • 90
  • UPD: 12:49, 17.02.2021

Авиациялық әкімшілік Qazaq Air-де жоспарлы тексеруді бастады, деп хабарлайды «Хабар 24».

Тасымалдаушы компанияның ұшуды пайдалану саласындағы қызметіне тексеріс жүреді. Берілген лицензиялар мен сертификаттарды анықтайды, сондай-ақ персоналға медициналық тексеру жүргізіледі. Жақында Qazaq Air-дің екі ұшағында апаттық жағдай болған еді. Екеуінің де шассиі жарылып кеткен. Жолаушылар зардап шеккен жоқ. Ұшақтар 2019 жылы Канадада шыққан.

Питер Гриффитс, Қазақстан авиациялық әкімшілігінің бас директоры:

- Тергеуді Ураби жүргізеді. Ол әдетте 3-тен 5 күнге дейін созылады. Экипаждан апат сәтінде қандай шаралар қабылданғанын анықтау үшін сауалнама жүргізілуде. Кеме басқа елде тіркелгендіктен, ұшу жарамдылығы бойынша қандай тексерулер жүргізілгені туралы қосымша ақпарат алу үшін Аруба реттеушісімен диалог орнату қажет. Бұл халықаралық ұйым екенін және уақыт айырмашылығы бар екенін естен шығармай, осы тармақтардың барлығын ескеру қажет.

Нұр-Сұлтан – Алматы бағытындағы ұшақ жолаушылары эвакуацияланды

Хабар 24 телеарнасы