419,72 501.30 5.64
+7 (7172) 757 485 24kz@khabar.kz
ҚАЗ

Павлодар облысында қылмыстық топ мемлекетке 1 млрд теңге залал келтірген

  • 67
  • UPD: 10:07, 17.02.2021
Павлодар облысында қылмыстық топ мемлекетке 1 млрд теңге залал келтірген

ҚР Қаржылық мониторинг агенттігінің Павлодар облысы бойынша Экономикалық тергеу департаменті «SТОР-ОБНАЛ» жедел шарасы шеңберінде нақты жұмыстарды орындамай, қызметтерді көрсетпей және тауарларды жөнелтпей жалған шот-фактураларды жазып беру фактісін анықтады.

«Павлодар облысы аумағында 2018-2019 жылдар аралығында бір топ тұлға «өзара есеп айырысу» туралы жалған бухгалтерлік құжаттарды жазып берумен айналысқаны анықталды. Осылайша, ұйымдасқан қылмыстық топ контрагент-кәсіпорындарға салық төлеуден жалтаруда көмек көрсетіп, нәтижесінде мемлекетке 1 млрд теңгеге жуық шығын келтірілді», - делінген Қаржылық мониторинг агенттінің баспасөз хабарламасында.

Аталған факт бойынша сотқа дейінгі тергеу ісі басталды, оның шеңберінде айыпталушылардың басқа қылмыстық құқықбұзушылықтарға қатысты болуы (мемлекеттік сатып алуды өткізу кезінде бюджет қаражатын жымқыру, қылмыстық жолмен алынған кірістерді (мүлікті) заңдастыру, сондай-ақ шетелге капиталды шығару) тексерілуде.

Хабар 24 телеарнасы