419,41 505.95 5.69
+7 (7172) 757 485 24kz@khabar.kz
ҚАЗ

Қарағанды облысында үш мыңнан астам адам әлеуметтік пәтер алады

  • 63
  • UPD: 11:47, 19.02.2021
Қарағанды облысында үш мыңнан астам адам әлеуметтік пәтер алады

Қарағанды облысында ауқымды құрылыс жұмыстары жалғасады.

Биыл кезекте тұрған 3 мыңнан астам адамды әлеуметтік тұрғын үймен қамтамасыз ету жоспарда бар. Бұл туралы өңір басшысы Жеңіс Қасымбек онлайн форматта өткен халықпен есептік кездесуінде мәлімдеді, деп хабарлады облыс әкімдігінің баспасөз қызметі.

«Халықты толғандыратын басты мәселелердің бірі – тұрғын үй және инфрақұрылым. Облыста 36 мыңнан астам азамат әлеуметтік тұрғын үй кезегінде тұр. Біздің міндетіміз – барынша көбірек құрылыс жүргізу. Өткен жылы өңір бойынша ауқымды құрылыс жұмыстары өтті. Рекордтық 530 мың шаршы метр тұрғын үй пайдалануға берілді, бұл 2019 жылмен салыстырғанда 26%-ке артық. 6 500-ге жуық отбасы тұрғын үй жағдайын жақсартты», - деді облыс әкімі.

Әлеуметтік қорғалатын санаттағы 2 500 кезекте тұрғандар пәтер алды.

«Әлеуметтік жалға берілетін және несиелік тұрғын үй беру қарқыны бір жылда 40%-ке өсті», - деп атап өтті Жеңіс Қасымбек.

Ол 2021 жылы 20% өсіммен 660 мың шаршы метрден астам тұрғын үй салу жоспарланғанын хабарлады. Бұл 3 мыңнан астам отбасы, оның ішінде 600-ге жуық көп балалы отбасыға жалға берілетін және несиелік пәтерлерді табыс етуге мүмкіндік береді.

Хабар 24 телеарнасы