Алматы қаласының қылмыстық істер жөніндегі мамандандырылған ауданаралық соты Bisen атымен танымал дизайнер Сәбит Сыраханның өліміне кінәлі адамға қатысты үкім шығарды, деп хабарлайды ҚазАқпарат.
«Сот Сағыныш Дүйсенғалиевті ҚРҚК 99-бабы, 1-бөлігі «Кісі өлтіру» бойынша кінәлі деп таныды. «Сот үкімімен С.Дүйсенғалиев 11 жыл 3 айға бас бостандығынан айырылды. Сондай-ақ сотталаушы қаза тапқан жігіттің отбасына 10 млн теңге моральдық залал өтеуге міндетті», – деп хабарлады соттың баспасөз қызметі.
Ал прокурор айыпталушыны 12 жылға бас бостандығынан айыруды сұраған болатын.
Айта кетейік, жас дизайнер Сәбит Bisen рэп әншілері мен хип-хоп мәдениетінің өкілдеріне арнап streetwear-бренд ашқан.