Ертіс өңіріндегі этномәдени бірлестік өкілдері «Алғыс айту» мерекесіне орай ерекше акция ұйымдастырды, деп хабарлайды «Хабар 24».
Белсенді жастар трамвайға мініп, жолаушыларға шоколад таратты. Мақсат – бір елде тату-тәтті өмір сүріп жатқан тұрғындарға рақмет айтып, игі тілек білдіру. Акция барысында жолаушыларға тәттілер тарту еткен жастар мерекенің мән-маңызын да түсіндірді.
Айта кетейік, бүгінде облыста 130-дан астам түрлі ұлт өкілі тұрады. 20-дан астам қоғамдық бірлестік жұмыс істейді.
Джабар Махмұтов, «Ватан» Әзербайжан этномәдени бірлестігінің белсендісі:
- Көктемнің алғашқы күні тұрғындарға көтеріңкі көңіл-күй сыйлағымыз келді. Жолаушыларға бір шоколад беріп, алғыс айтып шықтық. Жастар үшін бұл мерекенің маңызы зор. Біз жас буын өкілдері ата-бабалырымыз, аға-әкелерімізге рақмет айтуымыз керек. Солардан тәлім алып, үміттерін ақтауымыз керек.
Әсімгүл Болатқызы, қала тұрғыны:
– Бәріңізді құттықтаймын. Денсаулық, ауызбіршілік болып, індеттен аман болайық.