433,15 516.00 5.62
+7 (7172) 757 485 24kz@khabar.kz
ҚАЗ

Түркістан облысының тұрғыны 100 адамға арналған көкпар ұйымдастырған

  • 148
  • UPD: 11:21, 02.03.2021
Түркістан облысының тұрғыны 100 адамға арналған көкпар ұйымдастырған

Түркістан облысында 100 адамға арналған көкпар ұйымдастырған тұрғын жауапқа тартылды, деп хабарлады Polisia.kz.

Отырар АПБ жергілікті полиция қызметінің учаскелік полиция инспекторлары рейд барысында көкпар ұйымдастыру жайтын анықтады. Ат спорты жарысы Отырар ауданы Қоғам ауылының маңында 100-ден астам адамның қатысуымен өткен. Полицейлер бірден әрекет етіп, көкпардың одан әрі өткізілуін тоқтатты. Жиналғандармен түсіндіру жұмыстарын жүргізіп, барлығын үйлеріне таратты.

Тәртіп сақшылары іс-шараның ұйымдастырушысы жергілікті тұрғынға қатысты ҚР ӘҚБтК-нің 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтерді бұзу) бойынша материалдар жинақтап, әкімшілік хаттама жасау және сотқа жолдау үшін СЭББ-ға жіберілді.

Өз кезегінде Түркістан облысының полицейлері азаматтарға карантин режимінің талаптарын қатаң сақтауды, бұқаралық спорттық және басқа да іс-шараларды өткізуден бас тартуды ескертеді.

Хабар 24 телеарнасы