433,15 516.00 5.62
+7 (7172) 757 485 24kz@khabar.kz
ҚАЗ

ҚХР-ға жүк тасымалдауға уақытша тыйым салынады

  • 140
  • UPD: 16:53, 02.03.2021
ҚХР-ға жүк тасымалдауға уақытша тыйым салынады

ҚХР-мен шекаралас станциялардағы жағдай күрделі күйінде қалуда. Коронавирусқа қарсы қатаң шектеу шараларына қатысты көрші ел жүк тиелген вагондарды қабылдамайды, деп хабарлады ҚР ИИДМ.

Тастап кетілген пойыздар саны өсуде, бұл Қазақстанның магистральдық желісінің өткізу қабілетіне теріс әсер етуде.

Қазіргі кезде тастап кетілген 12 мың жүк тиелген вагоны қозғалыстан қалса, олардың басым бөлігі вагон иелеріне тиесілі.

Теміржол әкімшілігі бұл мәселені шешу үшін бірнеше рет шаралар қабылдады, бірақ қытайлық тарап қол қойылған келісімдер мен халықаралық келісімдерді елемеуде. Нәтижесінде вагон иелері мен экспорттаушылар ұзақ уақыт тұрып қалу салдарынан экспорттық шарттарын орындай алмай, шығынға батуда.

Биылғы 26 ақпандағы жағдай бойынша астық тиелген 250 жуық жабық вагон қайта жөнелтіліп, бастапқы тиеу станцияларына қайтарылды, өзге экспорттаушылардан өтінімдер келіп түсуде, оларды «ҚТЖ-ЖТ» қызметкерлері жедел өңдеуге тырысуда.

Салалық қауымдастықтардың, соның ішінде ҚазТОҚ, Астық одағы және т.б. өтініші бойынша «ҚТЖ-Жүк тасымалы» ЖШС Достық станциясы бағытына, одан әрі ҚХР-ға жүк тасымалдауға:

– 1 наурыздан 31-не дейін жүк транзитіне;
– 1-15 наурыз аралығында контейнерлердегі жүктерден басқа барлық жүктерге;
– 2021 жылғы 1-20 наурыз аралығында жабық вагондар мен астық тасығыштардағы барлық астық жүктеріне тыйым салуға мәжбүр болды.

Тыйым салу кезінде «ҚТЖ-Жүк тасымалы» ЖШС қытайлық тарапқа тастап кетілген пойыздар мен астық тасығыштарды беруді жоспарлап отыр. Сондай-ақ астық тиелген жабық вагондарды беру бойынша шаралар қабылданатын болады.

Бір апта бойына тыйым салуды енгізу туралы мәселе «Атамекен» ҚР ҰКП, Қазақстан Республикасы Индустрия және инфрақұрылымдық даму министрлігінің алаңдарында жүк жөнелтушілермен, экспорттаушылармен талқыланған.

Хабар 24 телеарнасы