Жалпы білім беретін мектептердің 25 мыңнан астам мұғалімі, соның ішінде бірінші бастауыш сынып ұстаздары екпе салдырады, деп хабарлайды «Хабар 24».
Өңірге Қарағанды фармацевтикалық зауытында өндірілген «Спутник V» екпесінің 5 мыңнан астам дозасы жеткізілді. Үшінші кезеңде білім беру ұйымдары мен медицина-әлеуметтік мекемелердің барлық қызметкерлері, студенттер де екпе салдыра алады. Биыл Жамбыл облысында 600 мыңға жуық адамға вакцина салу жоспарланған.
Жәмилә Бекбатырова, облыстық білім беру басқармасы басшысының орынбасары:
– Жалпы, осы вакцинаны алу қоғамның, өзіміздің отбасымыздың денсаулығы үшін деп ойлаймын. Мен өзім ерікті түрде келдім. Қазіргі жағдайым жақсы. Бүгін менімен бірге 50-ге жуық Тараз қаласында білім мекемелерінде қызмет етіп жатқан педагогтар, мекеме басшылары келді.