432,01 515.14 5.62
+7 (7172) 757 485 24kz@khabar.kz
ҚАЗ

Арыс тұрғынынан төрт келіден астам марихуана тәркіленді

  • 112
  • UPD: 10:19, 15.03.2021
Арыс тұрғынынан төрт келіден астам марихуана тәркіленді

Полицейлер Арыс қаласының тұрғынынан 4,5 келіден астам марихуана тәркіледі, деп хабарлады Polisia.kz.

Жедел-іздестіру шараларының нәтижесінде Түркістан облысы ПД Есірткі қылмысына қарсы іс-қимыл басқармасының қызметкерлері, Арыс АПБ-нің полицейлері және аудандық прокуратура бірлесе отырып, аса ірі көлемде есірткі сақтаған күдіктіні ұстады. Жедел уәкілдер Арыс қаласы тұрғынының үйін тінту кезінде ерекше хош иісі бар өсімдік тектес есірткі затты тауып, сараптамаға жіберді.

Сараптама қорытындысына сәйкес алынған есірткінің жалпы салмағы 4,5 кг-нан асатын «кептірілген марихуана» болып шықты.

Аталған жайтты полицейлер ҚР ҚК-нің 296-бабы 4-бөлігі (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) бойынша СДТБТ-ға тіркеді. Бұл баптың санкциясы үш жылдан жеті жылға дейінгі мерзімге бас бостандығынан айыру түріндегі жазаны көздейді.

Қазіргі уақытта есірткіні заңсыз сақтау дерегі бойынша сотқа дейінгі тергеу амалдары жүргізілуде. Күдіктіге қатысты қамауға алу түріндегі бұлтартпау шарасы таңдалды. Тергеу оқиғаның барлық мән-жайын және күдіктінің басқа да осыған ұқсас қылмыстарға қатыстылығын анықтайды. Сондай-ақ жедел уәкілдер аудан орталығына есірткі жеткізудің жолын айқындайтын болады.

Хабар 24 телеарнасы