429,76 515.14 5.64
+7 (7172) 757 485 24kz@khabar.kz
ҚАЗ

Түркістан облысында көліктен секіріп кеткен жүргізуші жауапкершілікке тартылды

  • 105
  • UPD: 14:14, 16.03.2021
Түркістан облысында көліктен секіріп кеткен жүргізуші жауапкершілікке тартылды

Түркістан облысында жол ережесін өрескел бұзған жүргізуші анықталды. Ол Шымкент – Самара тас жолында көлігінен секіріп кеткен.

Жүргізуші – Шымкент қаласының тұрғыны. Шетелдік маркалы автокөлік тізгінінде болған. Төрткүл ауылының маңына жақындаған тұста көлігін басқарып келе жатып есігін ашып, жолға секіріп кетеді. Бұл бейнежазба әлеуметтік желіде тез тарады. Жүргізуші аман. Жергілікті полиция департаменті оның кім екенін анықтап, жол ережесін өрескел бұзғаны үшін қатаң жауапкершілікке тартты. «Қозғалыс кезінде мұндай әрекеттің соңы жазатайым жағдаймен аяқталуы мүмкін еді», - дейді тәртіп сақшылары. Сондықтан жүргізушілерді жол ережесін сақтауға шақырады.

Хабар 24 телеарнасы