427,15 517.06 5.74
+7 (7172) 757 485 24kz@khabar.kz
ҚАЗ

Көлік кептелісі жағынан қолайсыз елдер рейтингінде Қазақстан 51-орынға ие болды

  • 201
  • UPD: 09:46, 17.03.2021
Көлік кептелісі жағынан қолайсыз елдер рейтингінде Қазақстан 51-орынға ие болды

Көлік кептелісі бойынша әлемдегі ең қолайсыз елдердің рейтингінде Қазақстан 85 елдің ішінен 51-орынға ие болды.

Елдің трафик индексі 128,37 құрады, деп хабарлады finprom.kz. Көрсеткіш жұмысқа баруға кеткен уақытты, жол қозғалысындағы СО2 шығынын және бүкіл әлемдегі жол қозғалысы жүйесіндегі жалпы тиімсіздікті бағалайды.

Рейтингке сәйкес Қазақстанда тек жұмысқа баруға кететін орташа уақыт 33,64 минутты құрайды. Ал CO2 индексі 4040,36 құрады.

Көлік кептелісі жағынан қолайсыз елдердің рейтингін Нигерия, Коста-Рика және Кения бастап тұр. Ал ең соңғы орындарда, яғни көлік қозғалысы жағынан ең қолайлы елдер тізімінде Дания, Эстония және Австрия жайғасқан. Оларда жұмысқа бару уақыты 25 минуттан сәл асады.

Айта кетсек, 2021 жылдың қаңтарында Қазақстанның көлік-логистика саласына 26,6 млрд теңге салынды, бұл өткен жылмен салыстырғанда 33% артық. 

Хабар 24 телеарнасы