430,99 515.14 5.69
+7 (7172) 757 485 24kz@khabar.kz
ҚАЗ

Шымкентте «бала күтушісі» үй иесінің алтындарын ұрлап кетті

  • 71
  • UPD: 11:30, 18.03.2021
Шымкентте «бала күтушісі» үй иесінің алтындарын ұрлап кетті kt.kz

Бала күтушісі ретінде танысып, ұрлық жасаған шымкенттік азаматша ұсталды, деп хабарлайды Polisia.kz.

Шымкент қаласының жергілікті тұрғыны Еңбекші ауданы Полиция басқармасына арызданған. Онда OLX бағдарламасы арқылы танысқан қыз бала күтушісі ретінде пәтеріне келіп, алтын бұйымы мен 100 доллар ақшасын ұрлап кеткендігін көрсеткен.

Еңбекші ауданы Полиция басқармасы жергілікті полиция қызметі бөлімінің №41 учаскелік полиция инспекторлары жүргізген жедел іздестіру шараларының нәтижесінде күдікті азаматша анықталып, полицияға жеткізілді.

Еңбекші ауданы Полиция басқармасының полицейлері қала тұрғындарына мүлік ұрлығының құрбаны болмас үшін бағалы заттар мен ақшаны сенімді жерде сақтап, өзіңіздің құнды заттарыңызға мұқият болуды ескертеді.

Хабар 24 телеарнасы