423,81 504.32 5.82
+7 (7172) 757 485 24kz@khabar.kz

ПТР анықтамасыз ұшып келгендер елге кіргізілмеуі керек – Туроператорлар

  • 189
  • UPD: 19:53, 18.03.2021
ПТР анықтамасыз ұшып келгендер елге кіргізілмеуі керек – Туроператорлар

ПТР-тест анықтамасы жоқ отандастарымызды елге кіргізбеу керек. Туроператорлар қауымдастығы осындай бастама көтерді.

Олар Египетке, Біріккен Араб Әмірліктеріне, Мальдив аралдарына, Түркия мен Шри-Ланкаға демалуға кеткен туристерден елге қайтарда ПТР-тест анықтамасын талап ету керек деп отыр. Ал әлгіндей анықтамасы болмаса, ұшаққа отырғызбау керек дейді. Әзірге құзырлы орын өкілдері бұл мәселеге қатысты пікір білдірмеді.

Туроператорлардың айтуынша, соңғы уақытта елге ПТР-тест анықтамасы жоқ туристер жиі келетін болған. Олар мұндай сынаманы Қазақстанда жасата салғанды жөн көреді. Өйткені, біздің елде ондай тестті отандастарымыз тегін тапсыра алады.

Инна Рей, Қазақстан туроператорлары қауымдастығының президенті:

- Шетелге барып, демалып келген отандастарымыз ПТР-тестті Қазақстанға келіп тегін тапсыра алады. Үкімет мұны әу-баста сынамадан өтіп үлгірмей қалған қазақстандықтар үшін жасаған еді. Бірақ туристер мұны түсінбейді. Олар шығын шығармау үшін тестті елге келген соң тапсырып жатыр. Бұл дұрыс емес. Егер арасында індет жұқтырғандар болса, үлкен қауіп төндіреді. Сондықтан шетелден қайтарда ПТР-тест анықтамасы жоқ туристерді ұшаққа мүлдем отырғызбау керек.

Хабар 24 телеарнасы