Жамбыл облысында есірткі сатқан үш адам ұсталды, деп хабарлайды «Хабар 24».
Полицейлер оларды Шу қаласында әшкерелеген. Олардың біреуі Алматы қаласының тұрғыны болса, қалғандары жергілікті азаматтар. Ал тәркіленген есірткі заттарының салмағы 7 келіден асады. Күдіктілер өз кінәларын мойындаған. Қазір олар қамауға алынып, үстерінен ҚР қылмыстық кодексінің 297 бап 3-тармағы бойынша қылмыстық іс қозғалды.
Айта кетейік, тергеу барысында ұсталғандардың «гашиш» есірткісін Алматыға апарып сатпақ болғандары белгілі болды.