433,55 515.14 5.60
+7 (7172) 757 485 24kz@khabar.kz
ҚАЗ

Жауын-шашын салдарынан Шардара су қоймасы 96%-ке толды

  • 162
  • UPD: 23:10, 29.03.2021
Жауын-шашын салдарынан Шардара су қоймасы 96%-ке толды

Түркістан облысында жауын-шашынның көп түсуіне байланысты соңғы 3 тәулікте өзендердегі су деңгейінің көтерілуі байқалады, деп хабарлайды «Хабар 24».

Бөген 61 см, Арыс 48 см, Боралдай өзені 34 см-ге дейін көтерілген. Жауын-шашын мөлшерден тыс көп түсетін болса, былтырғы Төлеби ауданында болған су тасқыны жағдайы қайталануы мүмкін. Сондықтан құтқарушылар ауа райын болжау орталығымен бірлесе жұмыс істеп, сақтық шараларын күшейтіп жатыр. Өзен-көлдерге жақын орналасқан елді мекен тұрғындарына СМС-хабарламалар жіберіп, ескертулерге мән беруге шақырады. Өңірдегі Шардара су қоймасы 96%, ал Көксарай су реттегіші 51%-ке толған. МамандарСырдария өзені арқылы Шардараға секундына 303 текше метр су құйылып, ал одан 470 текше метр су босатылып жатқанын айтады.

Ерік Сарыбаев, облыстық төтенше жағдайлар департаменті басшысының орынбасары:

- Негізінен бізде қауіп бұл таулы аймақтар, аудандар болып отыр. Бұл – Қазығұрт, Түлкібас, Төлеби және Бәйдібек аудандары. Сонымен қатар Арыс өзенінің Сырдария аумағына барып құятын Отырар ауданында да егер бір мезетте су көп келетін болса, біршама елді мекендерге қауіп төнуі мүмкін.

Хабар 24 телеарнасы