430,73 519.25 5.71
+7 (7172) 757 485 24kz@khabar.kz
ҚАЗ

Павлодар облысында су тасуы мүмкін 28 аумақ бар

  • 112
  • UPD: 21:46, 30.03.2021
Павлодар облысында су тасуы мүмкін 28 аумақ бар

Павлодар облысында әзір тоң жібіп, қар ери қойған жоқ. Дегенмен, сәуір айында күн күрт жылынады деген болжам бар. Сондықтан аймақтағы су басуы мүмкін елді мекендер құтқарушылар бақылауына алынды.

Бүгінде қауіпті 28 аумақ бар. Бұл ауылдарда үш мыңнан астам халық тұрады. Баянауыл ауданының Сәтбаев ауылдық округіндегі «Қалқаман-Үміткер-Ульяновск» жолын жыл сайын су шайып кетеді. Қазір сол жерде көпір салынып жатыр.

Асқар Бүркітбаев, облыстық ТЖД басқармасының аға инженері:

- Біршама уақыттан соң қар ери бастайды. Бүгінде күш құрылымдарымыз сақадай сай. Су тасу жағдайы жіті бақылауымызда. Облыс орталығында да су басуы ықтимал учаскелер бар. Мәселен, «Екінші Павлодар», «Зеленстрой» шағын аудандарында қар шығару жұмыстары әлі күнге дейін жүргізіліп жатыр. Қар су жинала қалса үйлерге кіреді. Себебі дренаж ұңғымалары жұмыс істемейді.

Хабар 24 телеарнасы