Ташкенттен Алматыға ұшақпен жеткен шетел азаматы еліне қайтарылды.
Себебі оның ПТР анықтамасы болмаған. Бұл туралы санитарлық эпидемиологиялық бақылау қызметі хабарлады. Ал өткен тәулікте Қазақстанға 37 халықаралық әуе рейсімен 4 жарым мыңнан астам жолаушы келген. Оның ішінде он адамда коронавирус бар-жоғын айғақтайтын тиісті құжаты болмаған. Олар Алматы әуежайында анықталды. Қазір карантиндік стационарда тест нәтижесін күтіп жатыр.