Елімізде коронавирустан 11 адам көз жұмды

Қазақстанда коронавирус инфекциясына шалдыққандар туралы 4 сәуірдегі ақпарат жарияланды.

4 сәуірдегі мәлімет бойынша 27 516 адам коронавирус инфекциясынан (26 180 КВИ+ және 1 336 КВИ-) ем алып жатыр. Оның ішінде 9 996 пациент стационарда, 17 520 науқас амбулаториялық деңгейде ем қабылдауда.

Коронавирусқа шалдыққандар арасында:

• 398 адамның жағдайы ауыр;

• 103 пациенттің жағдайы өте ауыр;

• 64 науқас ӨЖЖ аппаратында жатыр.

2 сәуірде коронавирустан 11 адам көз жұмған.