430,39 515.14 5.65
+7 (7172) 757 485 24kz@khabar.kz
ҚАЗ

Елордада COVID-19 бойынша эпидемиологиялық жағдай тұрақсыз

  • 127
  • UPD: 12:22, 08.04.2021
Елордада COVID-19 бойынша эпидемиологиялық жағдай тұрақсыз

Нұр-Сұлтан қаласында пандемия басталғалы бері 34 мыңнан астам адам COVID-19 инфекциясымен ауырғаны белгілі болды.

Бұл туралы онлайн брифинг барысында елорданың бас мемлекеттік санитарлық дәрігері Сархат Бейсенова мәлім етті, деп хабарлады қала әкімдігінің ресми сайты.

«Нұр-Сұлтан қаласындағы CОVІD-19 инфекциясы бойынша эпидемиологиялық жағдай тұрақсыз болып қалуда, эпидемиологиялық жағдайды бағалау матрицасы бойынша бір ай «қызыл аймақта» тұр. Осы жылдың басынан бері қала бойынша сырқаттанғандар саны 15 мыңнан асты, пандемия басталғалы 34 000 астам жағдай тіркелді. Оның ішінде 21000-нан астамы симптоматикалық және 12 000-нан астамы симптомсыз түрде», – дейді Сархат Бейсенова.

Оның айтуынша, ақпан айында сырқаттанушылық динамикасында қаңтармен салыстырғанда 25% төмендеу байқалса, наурыз айынан бастап елордада сырқаттанушылықтың тұрақты өсуі байқалады және наурыз айы мен сәуірдің 7 күнінің қорытындысы бойынша қаңтар мен ақпан айларына қарағанда 2338 жағдайға көбірек тіркелді (қаңтар 3763, ақпан 2811, наурыз 6011, сәуір 2901).

«17 наурыздан бастап аурудың күнделікті өсуі 1%-тен асып, 20-25 наурыз аралығында 0,64% дейін төмендеді. Соңғы 12 күн ішінде бұл көрсеткіш орта есеппен 1,2%-ке сақталады. Соңғы тәулікте 578 бастапқы жағдай тіркелді, яғни симптомдары бар 404 жағдай, 174 симптомсыз жағдай. Соңғы аптадағы сырқаттанушылық көрсеткіштері алдыңғы аптаның деңгейінен 23% жоғары, 100 мың тұрғынға шаққандағы қарқынды көрсеткіш 249,6 құрады», – деді елорданың бас мемлекеттік санитарлық дәрігері.

Хабар 24 телеарнасы