427,15 517.06 5.74
+7 (7172) 757 485 24kz@khabar.kz
ҚАЗ

Экологиялық кодекс мәселелері бойынша «жедел желі» іске қосылды

  • 139
  • UPD: 15:46, 12.04.2021
Экологиялық кодекс мәселелері бойынша «жедел желі» іске қосылды Ак Жайык

Экология министрлігі жаңа Экологиялық кодекс мәселелері бойынша «жедел желіні» іске қосты.

ҚР Экология, геология және табиғи ресурстар министрлігі жаңа Экологиялық кодекстің нормаларын қолданысқа енгізуге байланысты барлық сұрақтарға тез арада жауап беруге арналған «жедел желіні» - +7 778 888 11 57/ +7 7172 740218 іске қосты. Бұл Экокодекстің жаңалықтары туралы толық ақпарат алуда халыққа ыңғайлы болу үшін жасалды.

Азаматтар ресми сұрау жібермей-ақ, «жедел желіге» жүгіну арқылы құжаттың баптарына, тармақтары мен нормаларына қатысты түсініктеме ала алады. «Жедел желі» жұмыс күндері сағат 18.30-ға дейін жұмыс істейді.

Естеріңізге сала кетейік, 2021 жылдың 2 қаңтарында Мемлекет басшысы жаңа Экологиялық кодекске қол қойды. Құжат өмір сүруге қолайлы ортаны қамтамасыз ету, сондай-ақ қоршаған ортаны қорғау саласындағы кәсіпкерлік қызметті реттеу мақсатында адамның өмірі мен денсаулығына ерекше назар аударады.

Хабар 24 телеарнасы