Warning
  • JUser: :_load: Unable to load user with ID: 95
429,33 519.25 5.73
+7 (7172) 757 485 24kz@khabar.kz
ҚАЗ

7-сынып оқушысы Рубик текшесінен танымал тұлғалардың портретін жасайды

  • 99
  • UPD: 22:58, 13.04.2021

Алматылық Тимур Омаров Рубик текшесінен танымал тұлғалардың портретін жасайды, деп хабарлайды «Хабар 24».

Жетінші сынып оқушысы елге белгілі отыздан астам адамның бейнесін құрастырып шыққан.

Олардың арасында Геннадий Головкин, Иманбек Зейкенов, Скриптонит, Димаш Құдайберген, Нұрлан Сабуров бар. Ерекше іске әуестік танытқан жасөспіріммен тілшіміз сұқбаттасып қайтты.

Қарлығаш Қайыпбекова, тілші:

- Тимур Омаров Рубик текшесін 5 жасынан бастап құрастырады. Алғашында оған 15 минут жұмсайтын. Қазір болса, көз ілеспес жылдамдықпен 20 секундтың ішінде жинап шығады.

Тимурға есейе келе қарапайым текшелерді жинау тіптен оңайға түсетін болған. Содан кейін ол оны қиындата түсуді ойлап, портрет жасауға кіріседі. Алғаш рет анасының портретін жасайды. Оған 500-ге тарта текше кеткен. Ол үшін алдымен суретті арнайы бағдарламада түстерін ерекшелеп, өңдеп алады. Содан кейін барып, құрастыруға кіріседі. Бір портретке екі сағат жұмсайды.

Тимур Омаров, 7-сынып оқушысы:

- Интернеттен украиналық жігіттің портрет жинап жатқан видеосын көріп қалдым. Мен бұрыннан Рубик текшесін жинаумен әуестенетіндіктен, бұл маған қызық болып көрінді. Ата-анам да қолдады. Сабағыма ешқандай кедергісін келтірмейді. Қайта ойлау қабілетінің, ой-өрісінің дамуына пайдасын тигізеді. Мұнымен бос уақытымда айналысамын.

Тимурдың ата-анасы ұлдарының бұл іске әуестігіне алғашында таңырқай қараған. Бірақ қолдап, қажет дүниелерін алып беріпті. Әкесі тіпті портреттің жақтауын өз қолымен жасап берген.

Александра Омарова, Тимурдың анасы:

- Ол төрт жылдан бері компьютерлік академияда оқып жатыр. Өзінің алдына қойған мақсаты бар. Мен балама кәміл сенемін. Ол қолға алған ісін соңына дейін жеткізбей қоймайды. Фотосуреттерді өңдеуге және Кубик рубик жинауға арналған жеке бағдарламасын жасағысы келеді.

Қазір Тимур жұмыс барысын түгелдей видеоға түсіріп, әлеуметтік желіге салып жүр. Содан бері оның оқырмандары да көбейіп келеді. Төрт айдың ішінде ол отыздан астам портрет жасаған. Әсіресе, футболшы Криштиану Роналду, боксшы Геннадий Головкин, әнші Димаш Құдайберген, диджей Иманбек Зейкеновті бейнелеген жұмыстары көпшіліктің оң бағасын алып үлгерді.

Авторлары: Қарлығаш Қайыпбекова, Эдуард Кон

Хабар 24 телеарнасы