427,15 517.06 5.74
+7 (7172) 757 485 24kz@khabar.kz
ҚАЗ

Ақмола облысында аса ірі көлемде гашиш жеткізу арнасы жойылды

  • 90
  • UPD: 11:00, 16.04.2021
Ақмола облысында аса ірі көлемде гашиш жеткізу арнасы жойылды

Ақмолалық полицейлер өңір аумағына аса ірі көлемде гашиш жеткізу арнасын жою бойынша арнайы операция жүргізді, деп хабарлайды Polisia.kz.

Облыстық ПД Есірткі қылмысына қарсы іс-қимыл жөніндегі қызметкерлер жедел-іздестіру шараларын жүргізу барысында есірткі сатумен айналысатын топ қызметінің жолы кесілді. Олардан 16 килограмнан астам гашиш есірткі заты және 17 миллион 500 мың теңгеден астам ақша қаражаты тәркіленді. Жедел қызметкерлердің үйлестірілген жұмысының нәтижесінде астана маңындағы аймаққа және Нұр-Сұлтан қаласының аумағына аса ірі мөлшерде гашиш жеткізуді, сақтауды және өткізуді ұйымдастырған үш азамат әшкереленді.

Қазіргі уақытта ҚР ҚК 297-бабының 3-бөлігі (Аса ірі мөлшерде есірткі құралдарын заңсыз сақтау және өткізу) бойынша сотқа дейінгі тергеу жүргізілуде.

«Күдіктілер уақытша ұстау изоляторына қамалады. Басқа ақпарат тергеу мүддесінде жариялауға жатпайды», – деп атап өтті Мейрам Жапбасов.

Хабар 24 телеарнасы