Өңірлерге «Спутник V» вакцинасының 923 мың дозасы жеткізілді. Сәуір айының соңына дейін тағы 910 мың Sputnik V дозасы және басқа өндірушілердің 500 мың дозасы жеткізіледі.
Бұл туралы «СҚ-Фармация» хабарлады. Жалпы елде ұжымдық иммунитетт қалыптастыру үшін 10 миллионға жуық адамды егу жоспарланып отыр.
Премьер-министр Асқар Маминнің тапсырмасы бойынша өңірлерде ай сайын шамамен 2 миллион адамға вакцина салуға мүмкіндік жасалады. Жалпы науқанды қыркүйек айында аяқтау жоспары бар.
Қазір елде қолданылып жатқаны Ресейден әкелінген «Спутник V» және Қазақстанда өндірілген QazVac вакцинасы.