425,02 504.32 5.84
+7 (7172) 757 485 24kz@khabar.kz

Қазақстан экспорттаушы елдерге 8 мың тоннадан астам өнімді кері қайтарды

  • 261
  • UPD: 12:18, 19.04.2021
Қазақстан экспорттаушы елдерге 8 мың тоннадан астам өнімді кері қайтарды Mnews.kz

Қазақстан және ЕАЭО заңнамаларында белгіленген карантиндік талаптар бұзылғаны үшін 8 мың тоннадан астам өнім экспорттаушы елдерге кері

қайтарылды. Бұл туралы ҚР АШМ АӨК Мемлекеттік инспекция комитеті хабарлады.

«Осы жылдың үш айының қорытындысы бойынша елімізге әкелінген жоғары тәуекелдегі фитосанитариялық карантиндік өнімге қарасты тексеріс нәтижиесінде 800-ден астам заң бұзушылық анықталған. Оның ішінде 110 факт карантиндік объектілер ретінде тіркелген болса, 500-ден астамында тиісті құжаттары сәйкес келмеген немесе мүлдем жоқ болып шыққан.

Осыған орай, Қазақстан және ЕАЭО заңнамасында белгіленген карантиндік талаптардың бұзылуына байланысты экспорттаушы елдерге 8 мыңнан астам тонна өнім кері қайтарылды. Қайтарылуға жатқызылған өнімнің көлемі бойынша экспорттаушы елдер көшін Қытай (6022,2) мен Ресей Федерациясы (1136,2) бастап тұр. Одан бөлек Өзбекстан (439,2 тонна), Қырғызстан (307,4 тонна), Әзербайжан (303,6 тонна), Иран (243 тонна) және Түрікменстан (212,5 тонна)», – делінген мәліметте.

Қайтарылған өнімдердің басым көпшілігінде қызанақтар, бұрыш және арпа өнімдері болған. Онда қызанақ жемістерінің қоңыр әжім вирусы, арамсояу, батыс гүл трипсі, Комсток құрты және тағыда басқа карантиндік объектілер анықталды.

Айта кетсек, талаптарды бұзған тарап әкімшілік жауапкершілікке тартылып, 37 млн теңгеге жуық айыппұл салынды.

Хабар 24 телеарнасы