Маңғыстауда ер адамның көлігінен қызыл кітапқа енген 150 келі балық табылды
Маңғыстауда қызыл кітапқа енген 150 келі балық тәркіленді, деп хабарлады Polisia.kz.
Маңғыстау облысында «Бекіре-2021» жедел алдын алу шарасы барысында Қызыл кітапқа енген балықтарды заңсыз аулау фактісі анықталды.
Түпқараған ауданы Форт-Шевченко қаласында полиция қызметкерлері «УАЗ» автокөлігін тоқтатты. Автомобильді тексеру кезінде полицейлермен жүксалғыштан жалпы салмағы 148 килограмнан асатын бекіре тұқымдас балықтар табылып, тәркіленді.
Автокөлік жүргізушісі – 25 жастағы жергілікті тұрғын. Аталған факті бойынша ҚР ҚК 339-бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша сотқа дейінгі тергеу басталды.
Бұған дейін хабарлағанымыздай, Қарағанды облысында 350 келі балық аулаған ер адам ұсталды