429,33 519.25 5.73
+7 (7172) 757 485 24kz@khabar.kz
ҚАЗ

Елорда тұрғындары терроризмге қарсы оқу-жаттығу жөнінде ескертілді

  • 84
  • UPD: 07:48, 27.04.2021
Елорда тұрғындары терроризмге қарсы оқу-жаттығу жөнінде ескертілді фото: inform.kz

Бүгін елордадағы «Алау» мұз сарайының аумағында терроризмге қарсы жоспарлы оқу-жаттығу өтеді.

Бұл туралы Терроризммен күрес жөніндегі қалалық шұғыл штаб хабарлайды.

«Биылғы жылғы 27 сәуір күні, сағат 08.00-ден 11.00-ге дейін Терроризммен күрес жөніндегі елордалық шұғыл штаб «Алау» мұз сарайының аумағында (Қабанбай батыр даңғылы, 47) лаңкестікке қарсы жоспарлы оқу-жаттығу өткізуді жоспарлап отыр», - деді штабтан.

Іс-шараның мақсаты террорлық көріністерге шұғыл әрекет ету, терроризм актілерінің салдарын азайту және жою бойынша міндеттердің орындалуына штабтың күштері мен құралдарының практикалық дағдыларын тексеру болып табылады.

Оқу-жаттығу түрлі күрделі элементтерден тұратын жауынгерлік қимылдарға барынша жақын.

Шектеу шаралары, сонымен қатар «Алау» мұз айдыны сарайы ауданында автокөлік қозғалысы бойынша да қарастырылған.

Осыған байланысты азаматтарды өткізіліп жатқан оқу-жаттығу шараларына түсіністікпен қарауға, қауіпсіздік шараларын сақтауды және мемлекеттік органдардың жұмылдырылған қызметкерлерінің заңды талаптарын орындауға шақырамыз.

«Азаматтарды өткізіліп жатқан оқу-жаттығуларға түсіністікпен қарауға, қауіпсіздік шараларын сақтауға және жұмылдырылған мемлекеттік органдар қызметкерлерінің заңды талаптарын орындауға шақырамыз», - делінген Штаб хабарламасында.

Хабар 24 телеарнасы