Елордада «Болашақ» қауымдастығының мүшелері екпе салдырды

Сауда, ойын-сауық орталығына таңсәріден келген олар тіркеуден өтіп, «QazVac» вакцинасын салдырды.

Еске сала кетейік, отандық екпе кешеден бастап егіліп жатыр. Яғни, азаматтар ресейлік «Спутник V» немесе «QazVac» вакцинасын салдыра ма? Өз еріктері. Жалпы, бір аптаға жуық уақыт ішінде «Абу-Даби» кешеніне 600-ден астам адам келіп, егілген.  

Арын Өрсәриев, «Ғылым қоры» АҚ басқарма төрағасы:

- Менің ойымша, біздің ғалымдар вакцинаны өте жақсы деңгейде жасаған. Әрине, әртүрлі пікір болды. Бірақ патриоттық сезіммен қазақстандық вакцинаны салдырдым.