429,33 519.25 5.73
+7 (7172) 757 485 24kz@khabar.kz
ҚАЗ

ҰОС ардагері бар 681 отбасына «Елбасы жылуы» акциясы аясында көмек көрсетіледі

  • 40
  • UPD: 15:03, 03.05.2021

Алдағы күндері көп балалы, аз қамтылған, мүгедек бала тәрбилеп ортырған және үйінде Ұлы отан соғысының ардагері бар 681 отбасына «Елбасы жылуы» акциясы аясында көмек көрсетіледі, деп хабарлайды «Хабар 24».

Бұл негізінен Маңғыстау, Шығыс Қазақстан, Ақмола, Солтүстік Қазақстан, Алматы және Түркістан облыстарының тұрғындары. Оларға ұн, картоп, қант сияқты тағамдар мен жеміс-жидек және гигиеналық құралдар таратылады. Әр отбасына 132 келі тауардан үлестіріледі. Бұл көмектің алды Шығыс Қазақстан облысына келіп жетті. Аймаққа 17 тонна азық-түлік жеткізілді.

Төлеухан Әбілқасымов, қала тұрғыны:

- Бұл адамдарға мынадай қысылтаяң уақытта көрсетіліп жатқан көмек деп есептейміз. Бірнеше рет алып отырмыз. Сондықтан барлықтарыңызға денсаулық тілейміз.

Аида Найманғазина, көп балалы ана:

- Көктемнің шуақты күндерінде осындай мейрамдарда бізге тосынсый болды. Осындай қорлар бар болғанына қуаныштымыз. Рахметімізді айтамыз.

Хабар 24 телеарнасы