Алматыда вакцинаның екінші компонентін салуға қажетті 193 мың 540 доза бар, деп хабарлайды «Хабар 24».
Екпе салғызу аралығының ұзартылуы препарат тапшылығымен байланысты емес. Бұл туралы бүгін қаланың санитарлық-эпидемиологиялық департаментінің мамандары хабарлады. Екпе вакцина салатын орындарға кезең-кезеңімен жеткізіліп тұрады.
Айта кетейік, екпенің алғашқы дозасын сәуірдің 21-іне дейін алып үлгергендер екінші компонентті 21 күннен кейін салдыртады. Ал қалғаны 45 күн күтеді.