427,41 517.06 5.76
+7 (7172) 757 485 24kz@khabar.kz
ҚАЗ

ЕЗЖ бойынша төлемге өтінішті онлайн түрде қалай беруге болады

  • 67
  • UPD: 12:14, 05.05.2021
ЕЗЖ бойынша төлемге өтінішті онлайн түрде қалай беруге болады

Бірыңғай жинақтаушы зейнетақы қорының корпоративтік сайтында қашықтан беруге болатын зейнетақы төлемдерін тағайындау туралы өтініштер түрлерінің желісі кеңейтілді.

Бұл қызметті енді БЖЗҚ-да ерікті зейнетақы жарналары есебінен зейнетақы жинақтары бар зейнетақы төлемдерін алушылардың мына санаттары да пайдалана алады:

– 50 жасқа толған тұлғалар;
– мүгедектігі бар тұлғалар.

Өтініш берер алдында қолданыстағы электрондық цифрлық қолтаңбаның (ЭЦҚ), жеке басын куәландыратын құжаттың, Қазақстан Республикасының ұлттық валютасында ашылған банк шотының бар екендігіне көз жеткізу қажет.

Өтініш беру мақсатында БЖЗҚ сайтындағы (www.enpf.kz) жеке кабинетте ЭЦҚ-ның көмегімен авторланудан өтіп, «Қызметтер» бөліміндегі «Зейнетақы төлемдерін тағайындау туралы өтініш беру» қызметін таңдау қажет, одан әрі тиісті құжаттарды толтырып, ЭЦҚ-мен қол қою керек.

БЖЗҚ-ның өтінішті өңдеу мәртебесін жеке кабинетіңіздің «Қызметтер» бөліміндегі «Менің төлемдер/аударымдар туралы өтініштерім» қызметі, сондай-ақ БЖЗҚ корпоративтік сайты арқылы оңай қадағалай аласыз.

Биыл 1 мамырдан бастап ерікті зейнетақы жарналарын есепке алу үшін жеке зейнетақы шоттарының БЖЗҚ-ға түскен алғашқы ерікті зейнетақы жарнасының негізінде өтініш беру қажеттілігінсіз ашылатынын ескертеміз.

Ақпарат көзі: БЖЗҚ баспасөз қызметі

Хабар 24 телеарнасы