426,64 518.00 5.90
+7 (7172) 757 485 24kz@khabar.kz
ҚАЗ

МӘМС: сәуірде елорда бойынша 3,7 млрд теңгеден аса жарна түсті

  • 115
  • UPD: 09:49, 06.05.2021
МӘМС: сәуірде елорда бойынша 3,7 млрд теңгеден аса жарна түсті

МӘМС-ке 2021 жылдың сәуірінде Нұр-Сұлтан қаласы бойынша 3,7 млрд теңгеден аса жарна түсті.

«Елордалықтар 2021 жыл басталғалы бері, яғни қаңтар-сәуір айларында медициналық сақтандыру үшін 12,7 млрд теңгеден аса жарна аударды, ал сәуір айында МӘМС үшін 3,7 млрд теңгеден аса жарна түсті», – деп хабарлады Әлеуметтік медициналық сақтандыру қорының елорда филиалының баспасөз қызметі.

Нұр-Сұлтан қаласы бойынша 2017 жылдың 1 шілдесі мен 2021 жылдың 30 сәуірі аралығында медициналық сақтандыру үшін жинақталған жарнаның жалпы сомасы 70,8 млрд теңгеге жуық.

«2021 жылдың сәуір айында медициналық сақтандыру үшін елордалықтар 3,7 млрд теңгеден аса жарна аударған. Оның ішінде жұмыс берушілердің аударымдары 1,8 млрд теңгеден асады, ал жеке кәсіпкерлерден 1,9 млрд теңге түскен. Сондай-ақ осы жылдың 30 сәуіріндегі жағдай бойынша 7 188 адам бірыңғай жиынтық төлем (БЖТ) бойынша МӘМС-ке жарна төлеген.

Міндетті әлеуметтік медициналық сақтандыру үшін түскен барлық жарна аударымдары, яғни жинақталған қаржы, сенімгерлік басқару туралы жасалған келісімшартқа сәйкес Ұлттық банкте сақталады да, Міндетті әлеуметтік медициналық сақтандыру пакеті шеңберіндегі қызметтер ақысын төлеуге жұмсалады», - дейді «Әлеуметтік медициналық сақтандыру қоры» КЕАҚ Нұр-Сұлтан қаласы бойынша филиалының директоры Нұрлыбек Қабдықапаров.

Медициналық сақтандыру қоры пациенттер құқығын қорғайды. Қандай да бір сұрақтар туындаған жағдайда Qoldau 24/7 мобильді қосымшасы, @saqtandyrybot телеграмботы, 1406 байланыс орталығы, қордың fms.kz сайты арқылы қорға хабарласуға болады.

Ақпарат көзі: «Әлеуметтік медициналық сақтандыру қоры» КЕАҚ Нұр-Сұлтан қаласы бойынша филиалының баспасөз қызметі

Хабар 24 телеарнасы