427,82 518.00 5.92
+7 (7172) 757 485 24kz@khabar.kz
ҚАЗ

15 мемлекеттік қызметкер отставкаға кетті

  • 210
  • UPD: 23:06, 13.05.2021

Қарамағындағы қызметкерлердің сыбайлас жемқорлыққа қатысы болғаны үшін 108 мемлекеттік қызметші тәртіптік жауапкершілікке тартылды, деп хабарлайды «Хабар 24».

Оның 15-і отставкаға кеткен. Қазір жол картасының негізінде маңызды инфрақұрылымдық жобаларды іске асыру басталды. Оған биыл шамамен 325 млрд теңге бөлу жоспарланған. Сол себепті бюджет қаражатының тиімді жұмсалуын бақылау маңызды. Бұл жөнінде Президент жанындағы Сыбайлас жемқорлыққа қарсы іс-қимыл мәселелері жөніндегі комиссияның отырысында айтылды. Бір айтарлығы, қаржылық тәртіп сақтала бермейді. Мәселен, былтырдың өзінде Есеп комитеті құқық қорғау органдарына 72 факті бойынша материал беріп, сыбайлас жемқорлыққа қарсы агенттік 28 қылмыстық жағдайды тіркеген. 23 адам жауапкершілікке тартылды. Прокуратура 331 қадағалау актісін енгізді. 493 адам тәртіптік жауапкершілікке, 540 азамат әкімшілік жауапкершілікке тартылған. Жиында мемлекеттік хатшы агенттіктің жаңа төрағасынан Президент тапсырмасының орындалу барысын сұрады.

Қырымбек Көшербаев, Қазақстан Республикасының Мемлекеттік хатшысы:

- Біздің комиссиямызға жаңадан қосылған мүшені таныстыра кетейін. ҚР СЖҚІҚ Агенттігінің төрағасы Марат Мұратұлы Ахметжанов комиссия атынан сіздің жауапты қызметіңізге сәттілік тілейміз! Марат Мұратұлы сізді тағайындау сәтінде Мемлекет басшысы Қасым-Жомарт Кемелұлы Тоқаев сыбайлас жемқорлыққа қарсы іс-қимыл саласында айқын бағыттарды белгілеп берді. Оның ішінде әсіресе, агенттік қызметін қылмыстық процестің үш буынды моделіне бейімдеу туралы нақты тапсырма берілген болатын. Аталған бағытта атқарылып жатқан жұмыс туралы комиссияға қысқаша ақпарат беруіңізді сұраймын.

Хабар 24 телеарнасы